كيف تحصل على أفضل نتيجة عند بناء موقعك على Stunning

Stunning

هي منصة بتساعدك تبني مواقع إلكترونية كاملة بسهولة، ومن غير ما يكون عندك أي خبرة تقنية، أو تحتاج ميزانية كبيرة لبناء موقع لمشروعك.

كل اللي عليك إنك تقوم بشرح فكرة الموقع اللي محتاجه، والمنصة بتتولى باقي الشغل: بتبني الموقع، وتنفّذ البرمجة، وفي النهاية بتسلّمك موقع متكامل يشمل الواجهة، ولوحة التحكم، وقاعدة البيانات.

في الدليل ده، هنشرحلك خطوة بخطوة إزاي تبدأ وتوصل لأفضل نتيجة بشكل بسيط وواضح.

أول ما تدخل المنصة: كيف تبدأ؟

أول حاجة تلاحظها هي مساحة المحادثة. المساحة دي هي المكان اللي بتشرح فيه فكرة الموقع اللي عايزه، وعلى أساس الشرح ده المنصة بتبني الموقع.

طرق إنشاء الموقع

هناك عدة طرق سهلة يمكنك استخدامها لبناء موقعك بمجرد الوصف:

• كتابة وصف لفكرة الموقع

• استخدام الصوت وشرح الفكرة مباشرة

• رفع ملف فيه كل متطلبات الموقع

ولو حابب تعمل موقع باللغة العربية او الانجليزية تقدر تختار من الاعدادات

كيف تكتب وصف الموقع بطريقة صحيحة؟

كل ما الوصف يكون واضح ومحدد، النتيجة لتصبح أفضل.

مثال لوصف موقع:

" ابني لي موقع لمطعم بيتزا لعملائي، بحيث يتمكنوا من طلب الطلبات أونلاين بسهولة وسرعة"

بعد ما تنتهي من كتابة الوصف، اضغط على زر إنشاء الموقع، وانتظر دقيقة أو دقيقتين لحد ما البناء يخلص.

ماذا يحدث أثناء بناء الموقع؟

أثناء التنفيذ، المنصة بتبدأ تحلل فكرة الموقع، وطبيعة السوق، وطريقة استخدام العملاء، وبناءً على ذلك بتصمم هيكل الموقع وترتيبه بشكل عملي وسهل.

هتلاحظ ظهور تفاصيل البناء خطوة بخطوة، وذلك يعني إن الموقع يتم بناؤه بالفعل.

كمان هتبدأ تظهرلك الأكواد اللي بيتم بها بناء الموقع، والعملية هتستمر شوية، ولو حصل توقف مؤقت ده طبيعي جدًا، وبعدها هيظهرلك الموقع النهائي في المعاينة.

اختيار نموذج الذكاء الاصطناعي (AI Models)

في مساحة المحادثة، المنصة بتقدم لك مجموعة من نماذج الذكاء الاصطناعي اللي ممكن تستخدمها لبناء موقعك:

ملاحظة: تقدر تغيّر النموذج حسب صعوبة التعديل اللي بتعمله.

• Claude Sonnet 4.5

• Claude Sonnet 4.5 Thinking

• GPT 4.1

• GPT 4.0

• Auto

الأفضل: تترك الاختيار على Auto، لأنها تعطيك أفضل وأسرع نتيجة من أول مرة، من غير ما تحتاج تغييرات أو تعديلات إضافية.

تقسيم لوحة التحكم بعد اكتمال الموقع

المحادثة: بتوضحلك تم بناء إيه وليه، وبتقترح تحسينات وإضافات تقدر تطورها مع الوقت.


معاينة الموقع والكود: بتعرض شكل الموقع النهائي زي ما العميل هيشوفه، وكمان هتلاقي الكود متاح ليك لو محتاج تقوم بتعديلات عليه.

قاعدة البيانات: المكان اللي بيتسجل فيه كل تفاعل بيحصل على الموقع، مثل الطلبات أو التسجيلات.

صحة الموقع: بتوضحلك لو في أي حاجة محتاجة تعديل أو تحسين و ديه كمان هتلاقيها في جزء قاعدة البيانات.

كيف تعدل أو تضيف شئ جديد؟

لو تريد تغيير شئ في الموقع أو تضيف ميزة جديدة، كل ما عليك فعله إن تكتب طلبك في مساحة المحادثة.

مثل هذا المثال:

لو عندك موقع لشركة عقارات، يمكنك طلب إضافة قسم لحجز مواعيد استشارة بهذه الطريقة:

" أضف قسمًا يحتوي على نموذج (Form) يتيح للعميل إدخال اسمه، رقم الهاتف، والبريد الإلكتروني لحجز موعد مع الفريق."

لو ظهر خطأ في الموقع تعمل إيه؟

أحيانًا ممكن يظهر خطأ أثناء التنفيذ، وده شيء طبيعي جدًا مع أي AI Models. لما يظهر الخطأ هتلاقي زر اصلاح الخطأ.

لما تدوس عليه، الـ AI هيبدأ يراجع الكود ويصلّح الخطأ بنفسه.

ده شيء طبيعي وصحي إنه يحصل، وبيعطيك فرصة تشوف المنصة بتتعامل إزاي مع المشاكل.

كده بتتأكد إن التعامل مع الـ AI آمن وفعال، والنتيجة النهائية هتكون مضبوطة.

الخلاصة

• اشرح فكرتك بوضوح

• امشي خطوة بخطوة

• ادي المنصة وقتها لتعمل

كلما كانت تعليماتك واضحة، كانت النتيجة أفضل.

ولو ترغب أي مساعدة، تقدر تتواصل مع فريق الدعم، وهيساعدوك في أقرب وقت ممكن.

تابع المقالات اللي هيتم نشرها قريب، لأنها هتكون مرجع مهم ليك في أي خطوة قادمة.